5 nangholdap ng Indian National, tiklo
- BULGAR
- Sep 1, 2023
- 1 min read
@Balitang Probinsiya | September 1, 2023
ILOILO -- Limang holdaper ang inaresto ng mga awtoridad matapos na holdapin ang isang Indian national kamakalawa sa Barotac Nuevo sa lalawigang ito.
Hindi na muna pinangalanan ang mga suspek habang iniimbestigahan sila sa himpilan ng pulisya.
Ayon sa ulat, nagtungo sa himpilan ng pulisya si Gucharan Bhathal, Indian national, nasa hustong gulang at ini-report na hinoldap siya ng mga suspek at tinangay ang kanyang cash at cellphones.
Dahi dito, agad nagsagawa ng follow-up operations ang mga awtoridad kaya nadakip ang mga suspek.
Nakapiit na ang mga suspek na pawang nahaharap sa kasong robbery.
Comments