5 kelot, timbog sa Illegal Quarrying
Oct 22, 2021
1 min read
@Balitang Probinsiya | Oct 22, 2021
LA UNION—Limang lalaki ang dinakip ng pulisya nang mahuli sa aktong nagsasagawa ng illegal quarrying sa ilog na sakop ng bayan ng Tubao.
Kinilala ang mga suspek na sina Rolly Salvatierra, Irzo Mapalo, Lito Orencia, Michael Orencia at Sammy Laconsay, pawang nasa hustong gulang at mga residente sa nasabing lalawigan.
Nabatid na nahuli sa akto ang mga suspek na nagsasagawa ng paghahakot ng buhangin gamit ang backhoe at dump truck sa Aringay River sa naturang bayan.
Hindi naman nanlaban ang mga suspek nang dakpin sila ng mga awtoridad.
Nakapiit na ang mga suspek na pawang nahaharap sa mga kaukulang kaso.
Comments