5 Katao sugatan sa aksidente

@Balitang Probinsiya | December 28, 2022

PALAWAN—Limang katao ang sugatan nang aksidenteng magkabanggaan ang dalawang motorsiklo kamakalawa sa Bgy. San Nicolas, Roxas.

Ang mga biktima ay nakilala na sina Alfredo Lanera, Judy Castillo, Isidro Formentera, Joan Fernandez, pawang nasa hustong gulang at 10-buwang sanggol, pawang nakatira sa nasabing lalawigan.

Ayon sa ulat, kapwa mabilis ang takbo ng motorsiklo na minamaneho ni Lanera habang angkas si Castillo, at ang motorsiklo na minamaneho ni Formentera, habang angkas si Fernandez at ang sanggol, kaya aksidenteng nagkabanggaan ang dalawang sasakyan sa naturang barangay.

Nabatid na sa lakas ng pagkakabangga ay nagtamo ng mga sugat sa ulo at katawan ang mga biktima.

Dinala ng mga saksi ang mga biktima sa ospital, samantalang inaalam na ng mga awtoridad kung sino kina Lanera at Formantera ang may pananagutan sa aksidente.