40 mangingisda, timbog sa illegal fishing

@Balitang Probinsiya | June 21, 2023

ILOILO – Nasa 40 mangingisda ang inaresto ng mga awtoridad dahil sa pagsasagawa ng illegal fishing kamakalawa sa karagatang sakop ng Gigantes Island sa Bgy. Asluman, Carles sa lalawigang ito.

Hindi muna pinangalanan ang mga nahuling mangingisda habang iniimbestigahan sila ng mga awtoridad.

Ayon sa ulat, dinakip ng mga awtoridad ang mga mangingisda na sakay sa dalawang fishing vessel dahil ipinagbabawal ang pangingisda sa nasabing karagatan.

Hindi naman nanlaban at kusang sumama sa pulisya ang mga naarestong suspek.

Nakapiit na ang mga suspek at sinampahan na sila kasong paglabag sa illegal fishing.