4 Sabungero timbog sa tupada

@Balitang Probinsiya | November 30, 2022

ALBAY—Apat na sabungero ang inaresto ng pulisya kamakalawa sa tupadahan sa bayan ng Libo.

Hindi pinangalanan ang mga suspek habang iniimbestigahan sila ng mga awtoridad.

Ayon sa ulat, may nagbigay-impormasyon sa mga awtoridad na may nagsasagawa ng ilegal na sabong sa naturang lugar, kaya agad itong sinalakay ng mga operatiba at dito nadakip ang apat na suspek, samantalang mabilis na nakatakas ang iba pang sabungero.

Nakakumpiska ang operatiba ng mga manok na panabong, cash at tari.

Samantala, nakapiit na ang mga suspek na nahaharap sa kasong illegal gambling, samantalang pinaghahanap pa ng pulisya ang ibang nakatakas na sabungero.