4 nagto-tong-its, nasakote

@Balitang Probinsiya | December 05, 2021

ALBAY--Apat na sugarol ang inaresto ng pulisya nang mahuli sa aktong nagto-tong-its kamakalawa sa Bgy. Ilawod Bayan, Guinobatan.

Ang mga suspek ay nakilalang sina Lauro Sta. Ana, Paul Casiple, Pio Cardinal at Ulysses Marilag, pawang nasa hustong gulang at mga residente sa nasabing barangay.

Ayon sa ulat, may nagbigay-impormasyon sa himpilan ng pulisya na may mga lalaking nagsusugal sa nasabing lugar kaya agad sinalakay ng mga operatiba ang gambling den at dito nadakip ang mga suspek.

Nakakumpiska ang mga awtoridad ng mga baraha at cash sa pag-iingat ng mga suspek.

Inihahanda na ng pulisya ang kasong paglabag sa RA 1602 o illegal gambling laban sa apat na sugarol.