4 kawatan ng pakwan, arestado

@Balitang Probinsiya | November 18, 2020

NUEVA ECIJA—Apat na magnanakaw ng pakwan ang dinakip ng pulisya kamakalawa sa Bgy. Bantug Hacienda, Talavera.

Kinilala ang mga suspek na sina Emil Samaniego, Lester dela Cruz at magkapatid na Randy at Rommel Bagawisan, pawang residente ng Bgy. Mabuhay sa nabanggit na bayan.

Nabatid na nakita ng mga magsasaka ang mga suspek na nagnanakaw ng mga pananim na pakwan sa naturang lugar.

Dahil dito, agad ini-report ng mga magsasaka ang pagnanakaw ng mga suspek kaya rumesponde ang mga awtoridad at dinakip ang apat na magnanakaw.

Nakapiit na ang mga suspek na pawang nahaharap sa kasong qualified theft.