4 HVT sa droga, arestado

@Balitang Probinsiya | September 18, 2023

QUEZON -- Apat na high-value target (HVT) sa droga ang nadakip sa drug-bust operation ng mga awtoridad kamakalawa sa magkakahiwalay na lugar sa Lucena City sa lalawigang ito.

Ang mga suspek ay kinilala ng pulisya na sina Marvin Dudas, Eric Oriola, John Oliver Mallari at Leonardo Dela Rosa, pawang nasa hustong gulang at mga residente sa nabanggit na lungsod.

Nabatid na dinakip ng pulisya ang mga suspek sa isinagawang drug-bust operation ng mga ito sa Bgy. Market View at Brgy. Ibabang Iyam, kapwa sa nasabing lungsod.

Napag-alaman na nakakumpiska ang mga awtoridad ng ilang pakete ng hinihinalang shabu at markadong pera sa pag-iingat ng mga suspek.

Kusang sumama naman sa pulisya at hindi nanlaban ang mga suspek nang dakpin sila ng mga operatiba sa naturang lugar.