4 bag ng marijuana, natagpuan

@Balitang Probinsiya | January 2, 2021

KALINGA—Apat na bag na naglalaman ng marijuana ang natagpuan kamakalawa sa Bgy. Dangoy, Lubuagan.

Ang apat na bag ay natagpuan ng mga residente sa damuhan na malapit sa kalsada sa nasabing barangay.

Kaagad ini-report ng mga residente sa pulisya ang natagpuang apat na bag ng marijuana, at sa ngayon ay nasa pangangalaga na ito ng mga awtoridad.

Sa pagsisiyasat ng pulisya, ang natagpuang mga marijuana ay nagkakahalaga ng mahigit P2 milyon.

Patuloy pa ang imbestigasyon ng pulisya para madakip ang mga suspek na nag-iwan ng illegal drugs sa naturang lugar.