3 sugarol, timbog sa pusoy-dos

@Balitang Probinsiya | October 21, 2020

NUEVA ECIJA—Tatlong sugarol ang dinakip ng pulisya nang mahuli sa aktong nagsusugal ng pusoy-dos kamakalawa sa Bgy. Umangan, Aliaga.

Ang mga suspek ay nakilalang sina Raymond San Pedro, Vilma San Pedro at Rosalie Garcia, pawang residente sa nasabing barangay.

Ayon sa ulat, may nagbigay-impormasyon sa pulisya na may nagsusugal ng pusoy-dos sa naturang barangay.

Nakakumpiska ang mga awtoridad ng mga baraha at cash sa pag-iingat ng mga suspek.

Inihahanda na ng mga awtoridad ang kasong paglabag sa RA 1602 o illegal gambling laban sa tatlong sugarol.