3 NPA, sumurender

@Balitang Probinsiya | July 20, 2023

SULTAN KUDARAT -- Tatlong miyembro ng New People’s Army (NPA) ang sumuko sa kamakalawa sa bayan ng Palimbang sa lalawigang ito.

Para sa kanilang seguridad ay hindi na pinangalanan ng mga awtoridad ang tatlong sumukong komunista na nag-o-operate sa lalawigan.

Napag-alaman na isinuko rin ng mga komunistang NPA ang mga dala nilang armas, bala at subersibong dokumento sa mga awtoridad.

Ayon sa mga sumurender na NPA, nahihirapan na umano silang mamuhay sa bundok kaya nagbalik-loob sila sa pamahalaan.

Isinasailalim na sa taktikal na interogasyon ang mga sumukong komunista.