3 komunista, sumurender
Dec 18, 2021
1 min read
@Balitang Probinsiya | December 18, 2021
NORTH COTABATO—Tatlong miyembro ng New People’s Army (NPA) ang sumuko sa pamahalaan kamakalawa sa bayan ng Makilala.
Para sa kanilang seguridad ay hindi na pinangalanan ng mga awtoridad ang tatlong sumuko na pawang kasapi ng NPA na nag-o-operate sa lalawigan.
Napag-alamang isinuko rin ng tatlong NPA ang mga dala nilang armas, bala sa subersibong dokumento sa mga awtoridad.
Ayon sa mga sumukong NPA, nais na nilang magbagong-buhay kaya sumuko sila sa pamahalaan.
Isinasailalim na sa taktikal na interogasyon ang mga sumukong komunista.
Comments