3 kelot, timbog sa 'cara y cruz'

@Balitang Probinsiya | April 17, 2023

AKLAN —Tatlong lalaki ang inaresto ng mga tauhan ng pulisya nang mahuli sa aktong nagsusugal ng "cara y cruz", kamakalawa sa Bgy. Bulwang, Numancia sa lalawigang ito.

Ang mga suspek ay kinilala ng pulisya na sina Charloe Custodio, Regie Rodrigo at Rorry Gomez, pawang nasa hustong gulang at mga residente sa nasabing bayan.

Ayon sa ulat, nahuli sa akto ng mga nagpapatrulyang operatiba ang mga suspek habang nagsusugal ng "cara y cruz" sa naturang lugar.

Nabatid na nakakumpiska ang mga awtoridad ng baryang ginagamit sa "cara y cruz" at mga cash na taya sa pag-iingat ng mga suspek.

Inihahanda na ngayon ng pulisya ang kasong paglabag sa RA 1602 o illegal gambling laban sa tatlong sugarol.