3 drug peddlers, timbog sa shabu

@Balitang Probinsiya | February 6, 2021

BATANGAS—Tatlong drug peddlers ang inaresto ng mga awtoridad nang makumpiskahan ng shabu kamakalawa sa Bgy. Sta. Cruz, Sto, Tomas.

Kinilala ang mga suspek na sina Mely Maniaga, Ma. Louela Diokno at Maximo Anoyo, pawang residente sa nasabing lalawigan.

Napag-alamang may natanggap na impormasyon ang pulisya na may dalang shabu ang mga suspek kaya’t naglunsad ng drug-bust operation dahilan kaya naaresto ang tatlong drug peddlers.

Nabatid na nakumpiska ng mga awtoridad sa mga suspek ang ilang gramo ng shabu na nagkakahalaga ng P374,000.

Hindi naman nanlaban ang mga suspek nang dakpin sila ng mga awtoridad sa naturang barangay.