3 Bahay, tinupok ng apoy

@Balitang Probinsiya | ngayong Marso 22, 2024

CAPIZ -- Tatlong bahay ang tinupok ng apoy sa naganap na sunog kamakalawa sa Brgy. Salocan, Panitan sa lalawigang ito.

Ang sunog ay nagmula sa tahanan ng pamilya Villanueva na residente sa naturang lugar.

Ayon sa ulat, nakita na lamang ng mga residente na biglang sumiklab ang apoy sa bahay ng mga Villanueva at dahil sa mabilis na pagkalat ng apoy ay nadamay ang dalawa pang kabahayan sa naturang lugar.

Wala namang iniulat na nadisgrasya sa naganap na insidente.

Inaalam pa ng mga arson investigator ang sanhi at halaga ng napinsala ng apoy sa tatlong tahanan sa nabanggit na barangay.