3 Bahay tinupok ng apoy
BULGAR
Dec 2, 2022
1 min read
@Balitang Probinsiya | December 2, 2022
AKLAN—Tatlong bahay ang tinupok ng apoy kamakalawa sa bayan ng Kalibo.
Ang mga nasunog ay tahanan ng tatlong magkakapitbahay sa Bgy. Andagao sa nasabing bayan.
Ayon sa ulat, nakita na lamang ng mga residente na nag-umpisa ang sunog sa bahay ng pamilya Mationg at dahil sa mabilis na pagkalat ng apoy ay nadamay ang dalawa pang kabahayan.
Wala namang iniulat na nadisgrasya sa naganap na insidente.
Sa ngayon ay inaalam pa ng mga arson investigator ang sanhi ng sunog at halaga ng napinsala ng apoy sa tatlong tahanan sa nabanggit na barangay.
Comments