3-anyos, ni-rape ni lolo

@Balitang Probinsiya | April 14, 2023

BATANGAS—Isang lolo ang inaresto ng mga awtoridad kamakalawa dahil sa panggagahasa sa kanyang 3-taong gulang na apo kamakalawa sa Sto. Tomas sa lalawigang ito.

Sa kahilingan ng kanilang pamilya, hindi na pinangalanan ng pulisya ang suspek at ang biktima.

Ayon sa ulat, ginahasa umano ng suspek ang kanyang apo habang silang dalawa lang ang nasa loob ng kanilang bahay.

Nabatid na umiyak ang bata sa panggagahasa sa kanya ng kanyang lolo at nang marinig ito ng ina ay nakita nito ang panggagahasa ng suspek sa biktima.

Agad na humingi ng tulong sa pulisya ang ina ng biktima at sa mabilis na pagresponde ng mga awtoridad ay agad nadakip ang suspek.