24 online sabong operator, tiklo

@Balitang Probinsiya | August 3, 2023

PANGASINAN – Nasa 24 na operator ng online sabong ang inaresto ng pulisya kamakalawa sa isang compound sa bayan ng Laoac sa lalawigang ito.

Hindi na muna pinangalanan ang mga suspek habang iniimbestigahan sila ng mga awtoridad.

Ayon sa ulat, may nagbigay impormasyon sa pulisya na may mga nagsasagawa ng online sabong sa naturang lugar kaya agad itong sinalakay ng mga operatiba at dito nadakip ang mga suspek.

Nakakumpiska ang mga awtoridad ng mga manok na panabong at mga electronic equipment na gamit sa online sabong.

Nakapiit na ang mga suspek na nahaharap ngayon sa kasong illegal gambling.