After ipasara ang ABS-CBN… XIAN, NAGSALITA NA SA PAG-OOBER DA BAKOD SA SIYETE

Reggee Bonoan / Sheet Matters

May virtual mediacon ang teleseryeng Love Thy Woman nitong Martes at may nag-text sa amin na absent si Xian Lim.

“Baka si Xian na ‘yung naba-blind item na lilipat na ng GMA,” mensahe sa amin.

Diretsong sagot namin, "Imposible, may LTW serye sila ni Kim at malaki ang role niya, hindi puwedeng basta mawala."

“'Yun ang tsika, baka tatapusin lang ang Love Thy Woman dahil maraming nakapilang ads," katwiran pa sa amin.

Siyempre, hindi kami mapakali kaya chinat namin si Xian tungkol sa isyu at sumagot naman ang aktor.

“Hello there, Reggee. Kumusta naman at dito pa tayo sa IG nagkausap. Hindi totoo ‘yun. Wala namang nagsasabi nu’n, ha-ha! Masama lang talaga pakiramdam ko kahapon,” sagot ng aktor.

Hayan, maliwanag ang sagot ni Xian, hindi siya ang tinutukoy sa blind item at base rin sa pagkakakilala namin sa ka-love team ni Kim Chiu ay tinatapos niya lahat ng natanguan niyang projects.