Wala raw balak mag-senador… SHARON, TODO-THANK YOU NA 'DI GAGAYAHIN NI FRANKIE ANG AMANG SI KIKO

Vinia Vivar / Frankly Speaking

Nilinaw ni Sharon Cuneta na bagama’t nasa Liberal Party ang asawa niyang si Sen. Francis “Kiko” Pangilinan, hindi raw siya “dilawan (supporter of LP).”

“First of all, I do not like the color yellow because of its political implications,” deklara ni Sharon sa kanyang Instagram live session kahapon, “I care about my husband’s beliefs and his stand.”

Noong nakaraang eleksiyon daw, aside from her husband, ang ikinampanya lang niya sa LP ay si Leni Robredo who was running for vice-president and won.

Nilinaw din naman niyang wala siyang anything personal against the other members but she feels na napapahamak daw ang asawa niya dahil indentified as being “dilawan.”

“It’s such a cheap term to throw around at Dad (Kiko) when he stands on his own,” she said.

Dagdag pa niya habang kausap ang anak na si Frankie Pangilinan, “No administration is perfect and no party is perfect but your dad has only the best intentions, that’s why we clash sometimes.”

Lumaki sa pulitika si Shawie pero noon pa ay lagi niya talagang sinasabi that she hates politics at walang-wala sa isip niya ang pumasok sa mundong ito.

Tila may nagsabi namang netizen kay Frankie na puwede siyang maging senador at diniretsa agad ng dalaga na wala siyang balak pumasok sa politics. Natuwa naman si Sharon sa sinabi ng anak at aniya, “Thank you, Frankie, thank you.”

Samantala, nilinaw din ni Megastar na sobrang proud siya kay Frankie dahil sa recent stand nito about rape to the point na nakasagutan pa sa Twitter si Ben Tulfo.

“I’m proud of you for making a stand,” sey niya kay Kakie.