Songbird, umiyak na binully ang fave actress niya... REGINE: WALANG MALI SA SINABI NI KIM SA BATAS S

Vinia Vivar / Frankly Speaking

Sa Facebook Live session ng mag-asawang Ogie Alcasid and Regine Velasquez, hindi napigilang maging emosyonal ni Asia’s Songbird sa pagtatanggol kay Kim Chiu dahil sa dinanas nitong cyber bullying noong nakaraang buwan.

Ayon kay Regine ay love na love niya si Kim noon pa and revealed na pinaglilihian pa niya ang aktres noong time na ipinagbubuntis niya si Nate.

Para kay Songbird, walang mali sa sinabi ni Kim by using classroom as an example sa controversial “classroom” statement nito.

“Sa totoo lang, tama 'yung sinabi niya. She has her own point of view. Meron siyang sarili niyang opinion about the matter. Sa ibang tao siguro, hindi tama 'yung pagkakarinig nila or pagkakaintindi nila. But sa sarili niya, meron siyang gustong ipahiwatig sa mga tao,” ani Regine.

“She was trying to make it simple. That’s why she used the classroom set-up, 'yung analogy ng classroom.

“Siguro, sa isip niya, kagaya niya na hindi naman siya lawyer, ito ang naiintindihan niya.

“But of course, a lot of people, medyo minasama at sinabi na ‘Mali ang sinabi mo.’ They were even saying ‘Ang b*bo naman, sana, hindi na lang nagsalita,’” dagdag pa ni Songbird.

Ang ginawa raw na pambu-bully ng mga tao kay Kim ay isang lesson sa ating lahat na walang perpektong tao at lahat ay puwedeng magkamali.

Humanga raw siya kay Kim sa pagiging humble nito at pag-aming nagkamali siya kahit pa nga kung tutuusin ay walang mali sa sinabi nito.

Bukod dito ay napakaganda raw ng character ni Chinita Princess.

“Hindi pa naman ako matagal sa ABS at marami pa akong hindi kilala. Pero isa si Kim sa mga talagang tuwang-tuwa ako. I am drawn to her because she’s very kind. Parang walang mean bone sa bata na 'yun. She is a wonderful and kind person,” papuri ni Songbird.