Caretaker, tinodas ng armado

Negros Occidental—Isang caretaker ang namatay nang barilin ng hindi kilalang armadong salarin kamakalawa sa Bgy. Daga, Cadiz City.

Nakilala ang biktimang nagtamo ng mga tama ng bala sa katawan na si Loreto Europa, 44-anyos, residente sa nasabing barangay.

Ayon sa ulat, pauwi na si Europa lulan ng kanyang motorsiklo nang sumulpot ang suspek at agad pinagbabaril ang biktima.

Matapos ang pamamaril ay mabilis na tumakas ang suspek.

Iniimbestigahan na ng pulisya ang motibo ng suspek sa pagpatay sa biktima.