SHARON AT GRETCHEN, OUT SA MGA DATING CO-HOSTS NA NAGBIGAY NG TRIBUTE KAY KUYA GERMS

Nitz Miralles / Bida

TINAWAG ni Bacoor Mayor Lani Mercado na tribute kay German Moreno ang video nila ng mga kapwa former co-hosts ng GMA Supershow kung saan kinanta nila nina Jackielou Blanco, Mariz, Princess Punzalan, Jam Morales, Rachel Anne Wolfe at Arlene Muhlach ang favorite song ni Kuya Germs na Smile.

Kasama rin sa video sina Dawn Zulueta at Maricel Laxa na nagbigay ng mensahe sa mga naapektuhan ng COVID-19.

Si John Nite ang nagbigay ng introduction sa magandang video na positive vibes ang hatid sa mga nakapanood.

Kulang lang ang mga co-hosts ng GMA Supershow dahil wala si Sharon Cuneta at iba pang co-hosts gaya ni Gretchen Barretto na papayag naman siguro na sumama sa video at kumanta ng Smile.

Post ni Dawn, “SMILE. From me and my former co-hosts of the GMA Supershow who during this present #covid_19 pandemic, came together to create this small project... A message to all who suffer undergoing the many challenges of this crisis, we offer our fervent prayers, wish to give you hope, and make you #smile.”