Kaya raw nakaligtas sa COVID-19... "MAY MISYON PA AKO SA BUHAY" - SYLVIA

Vinia Vivar / Frankly Speaking

MATAPOS gumaling sa COVID-19, isang blessing naman ang dumating kay Sylvia Sanchez dahil kamakailan ay nag-renew siya ng kontrata sa Beautederm Corporation bilang isa sa mga celebrity brand ambassadors kasabay ang paglo-launch ng bagong line of all-natural products ng kumpanya.

Si Ibyang ang The Face of Beautederm at unang ambassador ng nasabing beauty product na ini-launch on a national scale.

Mahalaga ang renewal na ito for Ibyang dahil nga kagagaling lang nila ng asawang si Art Atayde from recovery sa corona virus.

“It was a dark moment in my life,” sabi ni Sylvia. “Pero may nakita akong liwanag sa end ng tunnel. I know that great things are in store for me at may misyon pa ako sa buhay.”

Ayon sa Beautéderm President at CEO na si Rhea Anicoche-Tan, “Para ko na siyang ate. Umiyak ako nu’ng nag-positive sila ni Kuya Art and I, along with the entire Beautéderm family are overjoyed they survived. Ideal brand ambassador si Ate Sylvia as she does her responsibilities with all her heart.”

Dagdag naman ni Ibyang, hindi lang business ang relasyon niya sa Beautéderm.

“Proud ako sa pag-endorse ng Beautéderm with my fellow ambassadors. Buo kami bilang pamilya. Rei-Rei’s good heart and generosity inspires me dahil ang dami niyang tinutulungan lalo na ngayon,” aniya.

Inilunsad naman ng Beautéderm ang Beauté L’ Tous, Beauté L’ Cheveux, at Beauté L’ Elixir Skin Set na pawang mga skin care products.

“Isang taon kaming nagtrabaho sa pag-develop ng aming new products. We use only the most powerful ingredients to produce quality results exceeding the effectiveness of synthetic mainstream products,” sabi ni Anicoche-Tan.

“Sa edad kong ito, ‘di na ako masyadong nagme-make-up at perfect ang Beauté L’ Elixir para sa akin. Gusto ko rin ang berry scent ng Beauté L’ Tous, at ‘di ko na kailangang mag-blower sa Beauté L’ Cheveux. I’m mindful of the products I use and this all-natural line is helping me with the healthy living I’m now advocating,” paliwanag ni Ibyang na bahagi ngayon ng online talk show na Pamilya Kuwentuhan, kasama ang cast ng Pamilya Ko na napapanood tuwing 5 PM, Lunes, Miyerkules at Biyernes sa mga digital platforms ng ABS-CBN.