Kung ang anak, dedma na... SHARON, LOVE NA LOVE PA RIN ANG EX NI KC NA SI PIERRE

Nitz Miralles / Bida

Kahit break na si KC Concepcion at ang last BF niyang si Pierre Emmanuel Plassart, maganda pa rin ang sinasabi ni Sharon Cuneta sa ex ng kanyang panganay.

Nag-post kasi si Sharon ng book na ang title ay At My French Table at may nag-comment ng, “Obviously you love French culture! I wish KC and Pierre are still friends. Sometimes things are not meant to be. Disappointed.”

Sagot ni Sharon, “They’re friends. I really miss Pierre. I really love that boy. Our whole family does and we always will.”

In fact, follower si Sharon ng Instagram ni Pierre at sa isang post nito, nag-comment pa si Frankie Pangilinan. Hindi lang namin nababasa na nagko-comment si KC sa mga posts ni Pierre at ganu’n din naman si Pierre sa post ni KC.

Anyway, ipinost ni Sharon ang nabalita a few days ago na: “House committee on legislative franchises orders NTC officials to explain why they should not be held in contempt for issuing cease and desist order that shut down ABS-CBN."

Hindi na sinagot ni Sharon ang reaction ng mga fans na malapit na ang pagbabalik ng ABS-CBN at malapit na rin nilang mapanood uli si Mega at ang ibang Kapamilya stars.