Rider na pusher, timbog sa drug-bust

Sultan Kudarat—Isang rider na drug pusher ang nadakip sa isinagawang drug-bust operation ng pulisya kamakalawa sa Bgy. Tuka, Bagumbayan.

Kinilala ng pulisya ang suspek na si Miguel Castaneda, residente sa nasabing bayan.

Ayon sa ulat, nagsagawa ng buy-bust operation ang pulisya sa naturang lugar at nang pagbentahan sila ng shabu ng suspek ay agad itong inaresto ng mga awtoridad.

Napag-alaman na nakakumpiska ang pulisya ng tatlong sachets ng shabu at markadong pera sa pag-iingat ng suspek.

Nakapiit na si Castaneda na nahaharap sa kasong paglabag sa Comprehensive Dangerous Drugs Act of 2002.