ANGEL, BINANTAANG IPAPA-NBI ANG NANAKOT NA IPAPASARA ANG SOCMED ACCOUNT NIYA

Beth Gelena / Bulgary Files

HINDI masisisi ang mga artista kung pinapatulan na nila ang mga bashers na sobra nang tinatapakan ang kanilang pagkatao.

May ibang basher pa kasing nagsasabing puwede pa nga raw nilang i-shutdown ang social media account ng mga celebrities.

Tulad na lang ng isang netizen na nag-tweet kay Angel Locsin para sabihing puwede niyang i-shutdown ang socmed account ng Kapamilya actress at hindi raw 'yun magugustuhan ni Angel.

May post si Angel sa kanyang socmed na (as is): “Sa mga (fake) accounts na hinaharass kami para manahimik, pasensya na po kayo at hindi kami magpapa-bully. You’ve created your worst nightmare :) wala kayong power sa amin.”

May sumagot sa post ng humanitarian actress.

Sabi nito, “Excuse me po? Really? Idol pa naman kita pero ang b*b* mo Miss Angel. Review your post b*b* n'yo and Coco. Honestly. Ipinagyayabang mo kasi that we can’t shutdown your account. Pati accounts n'yo, shutdown din in a few days. You will regret it.”

Sinagot siya ng aktres, “Is this a threat? Kasi lagot ka 'pag ipinakita ko ang account mo sa NBI :) Naka-gather na ako ng enough evidence na ikaw ang main suspect 'pag may nangyari sa account ko.”

Sa pagpatol ni Angel, sinabihan siya ng ibang netizen na bully.

Pero may nagtanggol sa fiancée ni Neil Arce.

“Angel is not a bully. Bashers are the bullies. You have no contribution to the society. You only promote hate and anger. Shame on you guys!”