Nanlabang notoryus na tulak, dedbol

NORTH COTABATO — Napatay ang isang notoryus na drug pusher nang manlaban at makipagbarilan sa pulisya na nagsagawa ng drug-bust operation kamakalawa sa Bgy. Inas, Mlang.

Kinilala ang suspek na nagtamo ng mga tama ng bala sa katawan na si Jeric Fuentespina, nakatira sa naturang barangay.

Nabatid na darakpin sana sa drug-bust operation si Fuentespina pero nanlaban ang suspek at pinagbabaril ang pulisya.

Kaagad namang gumanti ng putok ang mga awtoridad dahilan kaya napatay ang suspek.

Nakarekober ang pulisya ng baril, mga bala at 11 sachets ng shabu sa pinangyarihan ng insidente.