2 magsasaka, niratrat ng mga armado

Bukidnon—Dalawang magsasaka ang namatay nang barilin ng mga hindi kilalang armadong lalaki kamakalawa sa Bgy. Potaon, Malinao.

Kinilala ng pulisya ang mga biktimang nagtamo ng mga tama ng bala sa katawan na sina Jordan Sambalon, 24-anyos at Neoborne Fausto, 31-anyos, kapwa nakatira sa nabanggit na barangay.

Ayon sa ulat ng pulisya, habang lulan ng motorsiklo ang dalawang biktima ay biglang sumulpot ang mga suspek at agad pinagbabaril ang dalawang magsasaka.

Matapos tiyaking patay na ang mga biktima ay saka mabilis na tumakas ang mga suspek.

Nagpalabas na ng manhunt operation ang pulisya para madakip ang mga suspek.