International flight arrivals sa NAIA, papayagan na simula Mayo 11 — CAAP

Pinayagan na ng Civil Aviation Authority of the Philippines (CAAP) ang mga inbound international flights landing sa Ninoy Aquino International Airport sa Manila ngunit, dapat sundin ang itinakdang mga araw lamang.

“Starting on May 11, inbound international charter and commercial flights landing at the Ninoy Aquino International Airport (NAIA) will have assigned days,” nakasaad sa advisory ng CAAP. Sa ipinalabas Notice to Airman ng CAAP, papayagan ang mga inbound international chartered flights na lumapag sa NAIA sa araw ng Lunes at Huwebes pero dapat siguraduhin na may “clearance from the Department of Foreign Affairs (DFA) and CAAP for slotting purposes”. Habang ang inbound international commercial flights ay naka-schedule naman ng Martes, Miyerkules, Biyernes at weekends ngunit dapat tiyakin na aprubado ito mula sa CAAP, 48 oras bago ang itinakdang iskedyul upang matiyak ang 400 passengers kada araw na kapasidad sa NAIA.

Nabatid na ipatutupad ang naturang restriksyon mula May 11 hanghang June 10 ayon sa CAAP. “The restrictions, which will last a month, from May 11 to June 10, is going to be implemented in NAIA only, with other international airports in the country having their separate restrictions." Samantala, ang mga emergency flights, ferry flights, cargo flights, air ambulance, and medical supplies flights, government, military flights, weather mitigation flights, maintenance flights, at outbound ferry flights, cargo flights na may kasamang pasahero ay hindi kabilang restrictions sa ilalim ng NOTAM.