Mga Pinoy, ililibre ng Japan sa paggamit ng Avigan drug kontra COVID-19

Ginamit na sa U.S. ang isang klase ng gamot kontra COVID-19.

Hintayin natin kung ano ang side effects!

◘◘◘

MAGKAKASALUNGAT ang mga teorya sa pinagmulan ng deadly virus.

Mananatiling alamat ‘yan!

◘◘◘

INIANGAT na si Cardinal Tagle bilang top adviser ng Santo Papa sa Vatican.

Huwag sana siyang mahawa sa COVID-19!

◘◘◘

ILILIBRE ng Japan ang mga Pinoy sa paggamit ng Avigan drug laban sa COVID-19.

Kumbaga sa Dengvaxia, guinea pig muna ang mga Pinoy!

◘◘◘

NORMAL kapag naka-mask ang kausap mo sa labas ng bahay.

Ngayon, lahat ay mukhang holdaper!

◘◘◘

MATAGAL pang mananatili ang lockdown.

Sa Pasko, may nakamarkang greetings ang face mask: Merry ba ang Christmas mo?

◘◘◘

HINDI malinaw kung itutuloy pa ang school classes o hindi na.

Ulyanin na ang hepe ng DepEd—mabagal magdesisyon!

◘◘◘

KAILAN kaya ipauubaya ang liderato ng gobyerno sa hanay ng kabataan?

Kailan kaya mawawala ang mga dating heneral sa pamahalaan?

◘◘◘

AYON sa Konstitusyon, higit na makapangyarihan ang sibilyan kaysa sa militar.

Paano ‘yan, ‘yung mga nag-uutos sa mga sibilyan—halos lahat dating militar?

. .