Paralisado na ang maraming ospital, tinatanggihan na ang mga pasyente, nakupo!

Ka Ambo / Bistado

Humihina na raw ang atake ng COVID-19.

‘Yan ang akala nila!

◘◘◘

MARAMI nang ospital ang paralisado.

Tumanggi na sila sa mga maysakit.

Ngek!

◘◘◘

DAPAT nakatutok din ang DOH sa mga taong may ordinaryong sakit na tinatanggihan ng mga ospital.

Bakit hindi nila ito inaasikaso?

◘◘◘

DAPAT bigyang-prayoridad ng DOH ang mga dati nang maysakit at mga bagong nagkakasakit.

Sila ay awtomatikong “suspected” case tulad ng mga elderly!

◘◘◘

DAPAT bantayan din ng AFP at PNP ang mga ospital na tumangging tumanggap ng mga may sakit.

Bakit nila hindi dinededma ang mga ito?

◘◘◘

MARAMI na tayong personal na kakilala na namatay sanhi ng ordinaryong sakit.

Ito ay posibleng COVID-19 case na hindi na pinapansin.

Maaari ito ay dahil sa kawalan ng pambili ng gamot at kabiguang magpakonsulta o ma-admit sa ospital!

◘◘◘

DAPAT may estatistika rin kung ilan ang namamatay sanhi ng “ordinaryong sakit” at ilan ang namatay “sanhi ng COVID-19”.

Pareho lang sakit ‘yan—pero hindi ito sinusubaybayan ng gobyerno!

◘◘◘

SA pagpatak ng ulan at matinding init ng klima—magkakasakit ang mga tao.

Pero, sarado ang mga ospital at walang “medical staff”.

‘Yan ay seryosong “medical crisis” sa bansa!

◘◘◘

HINDI lang COVID-19 ang dapat binabantayan.

Isa ito sa mga kahinaan ni DOH Secretary Francisco Duque III!

◘◘◘

HINDI puwedeng ikatwiran na hindi ito napapansin.

Walang kakayahan ang DOH na mamuno sa gitna ng krisis kapag ang ordinaryong maysakit ay hindi natutulungan!

◘◘◘

WALANG duda na extended ang lockdown sa Metro Manila.

‘Yan ang rekomendasyon ng ilang amuyong ni P-Digong!

◘◘◘

MAY ilang lalawigan na walang kumpirmadong kaso ng COVID-19.

Dahil walang isinasagawang “testing”!

He-he-he!

◘◘◘

DATI-RATI ay wala ring kumpirmadong kaso nito sa Pilipinas.

Pero, biglang nagkaroon nang magkaroon ng “testing kits”!

◘◘◘

NOONG kakaunti lang ang testing kits, kaunti lang ang bilang ng may kompirmadong may COVID-19.

Noong magkaroon ng mass testing, dumami rin ang bilang ng may kumpirmadong COVID-19!

◘◘◘

Kapag walang may kumpirmadong kaso, hindi nangangahulugan na “walang virus sa naturang lugar”.

Ibig sabihin lang n’un, posibleng may “COVID-19” pero hindi isinasailalim sa testing kits!