P-Duterte pinagmumura, hinamon mag-self quarantine at 'wag bigyan ng pagkain | Mystica, puwede k

"So, Mystica, may batas po na pupuwedeng gamitin para parusahan ka."

Ito ang tahasang sinabi ni Presidential Spokesman Harry Roque nang pagmumurahin si Pangulong Rodrigo Duterte na kumalat sa social media kamakailan kaugnay ng isyu sa Coronavirus Diseases 2019.

"Alam n'yo po si Presidente, eh, naninindigan po 'yan para sa karapatan ng malayang pananalita. Pero pati naman po sa larangan ng human rights law at international law, hindi po absolute ang freedom of expression," ani Roque.

Aniya, may batas na maaaring magparusa sa mga taong magmumura sa Pangulo tulad na lang ng nasa ilalim ng Bayanihan to Heal As One Act lalo na sa panahon ng international emergency.

"Mayroon pong hangganan 'yan, at nakasaad po sa International Covenant on Civil and Political Rights na, a state can derogate among others dito po sa freedom of expression, kapag mayroon pong national emergency," giit ng tagapagsalita.

"Alam po natin na ang COVID ay hindi lang national emergency, it is an international emergency! So, pupuwede po tayong magkaroon ng derogation, pupuwede pong limitahan ang freedom of expression at 'yan nga po ang ginawa natin sa Bayanihan Act," wika pa ni Roque.

“Individuals or groups creating, perpetrating or spreading false information regarding the COVID-19 crisis on social media and other platforms, such information having no valid or beneficial effect on the population and are clearly geared to promote chaos, panic, anarchy, fear or confusion and those participating in cyber incidents that make use or take advantage of the current crisis situation to prey on the public through scams, phishing, fraudulent emails or other similar acts.”

Matatandaang sa viral video ni Mystica, minura nito at hinamon si Pangulong Duterte na mag-self quarantine, huwag palabasin at huwag bigyan ng pagkain.

Dalawang araw naman pagkalipas mai-post ito ni Mystica ay nag-public apology na siya sa Punong Ehekutibo.