Magsasaka sugatan sa kaalitan

Quezon—Sugatan ang isang magsasaka nang barilin ng kanyang kaalitan kamakalawa sa loob ng kanyang bahay sa Bgy. Bignay 1, Sariaya.

Kinilala ang biktima na nagtamo ng mga tama ng bala sa katawan na si Arniel Abdon, samantalang ang suspek ay si Sofio Manalo, kapwa residente sa nasabing barangay.

Ayon sa ulat, nasa loob ng kanyang bahay si Abdon nang pumasok ang suspek at agad pinagbabaril ang biktima.

Kaagad dinala ng kanyang mga kamag-anak si Abdon sa ospital, samanatalang kaagad namang nadakip ng pulisya ang suspek.

Nakapiit na si Manalo na nahaharap sa kasong frustrated murder.