Alden at mga crew sa fastfood, buking na walang face mask at dedma sa social distancing

Ronalyn Seminiano / Showbiz Trends

SOLENN, IPINAGSIGAWANG WALANG PAKINABANG SA MISTER

Aliw na aliw ang mga netizens sa muling pagpo-post nina Anne Curtis-Smith at Erwan Heussaff ng piktyur ng baby nilang si Dahlia Amelie para sa Easter Sunday greetings sa madlang pipol.

Katulad ng mga naunang larawan ng kanilang baby, hindi pa rin buong makikita ang mukha ni Dahlia. Konti lang din ng bahagi ng mukha nito ang kita.

Caption ni Anne, “Happy Easter from our little bunny and blessing. This means that anyone who belongs to Christ has become a new person. The old life is gone, a new life has begun. 2 Corinthians 5:17.

“Creative Director/Stylist: Mummy. Photographer: Papa @erwan.”

‘Kalokah naman na mismong Tito Nico Bolzico ni Dahlia ay iba ang tawag sa kanya.

Komento ni Nico, “Happy Easter Dalila! We hope to meet you soon… specially Thylane, she is anxious to meet you!”

Tuloy, kinorek siya ng ibang netizens at sinabing Dahlia, not Dalila.

Napakarami talagang netizens ang siguradong excited na excited nang makita ang buong mukha ni Baby Dahlia dahil 2 hours pa lang naa-upload ni Anne ang nasabing piktyur nito ay umabot na kaagad sa 194,193 likes at 2,873 comments.

Kabilang din sa mga bumati at nagkomento ng Easter greetings kina Anne, Dahlia at Erwan ay sina Solenn Heussaff, Mariel Padilla, Iya Villania, Ai Ai delas Alas, Karla Estrada, Luis Manzano, atbp..

Samantala, ipinost din ni Erwan sa kanyang Instagram account ang piktyur ni Dahlia with the caption, “Embracing my new role as a full time dad/florist/baby photographer.”

Nagkomento si Luis Manzano ng “You are so cute!!! You are also really cute Dahlia!!!”

Nakakaloka naman ang reply ng isang basher na “@luckymanzano cute ka riyan. Hindi ka nga makagawa ng (baby), duwag.”

Mabuti naman at hindi na pinatulan ni Luis ang komento na ‘yun ng basher.

Si Solenn naman na kapatid ni Erwan ay may rant din sa comments section.

Aniya, “Please take photos of Thylane when you move back here, lol. Nico is useless.”

Ano kaya ang masasabi ni Nico rito? Siguradong laugh trip ‘to!

***

ALDEN AT MGA CREW SA FASTFOOD, BUKING NA WALANG FACE MASK AT DEDMA SA SOCIAL DISTANCING

TRENDING sa social media ang pagbubukas ng McDonald’s branch ni Alden Richards at ng kapatid nitong si Riza.

Ipinost ni Alden sa kanyang Instagram Stories ang post ng kanyang kapatid tungkol sa McDo branch nila at mababasa ang “We are ready to serve you. MCDO NI ALDEN.”

Umabot na ito sa 6,717 tweets as of this writing at bumuhos ang mga positive comments tungkol dito.

Sey ng mga netizens: “Good job sa #McDoNiAlden. The re-opening of the store is a big sign of hope especially at Easter.”

“We’re still under ECQ so what most of us can do now is to give virtual support to the re-opening of #McDoNiAlden. Happy Easter, everyone! God is good!”

Samantala, may piktyur na kumalat kung saan makikitang walang suot na face mask si Alden at ang mga staff at crew ng McDo branch nila habang magkakatabi pa ang mga ito. We all know naman na mahigpit na ipinatutupad ang paggamit nito at ang social distancing ngayong panahon na nahaharap tayo sa pandemic COVID-19.

Sey tuloy ng isang netizen, “I don’t mean to be some kinda party pooper but shouldn’t they be wearing face masks and observing social distancing? Or is Biñan not covered in this ECQ? Can someone please explain to me? I’m confused. #McDoNiAlden.”