Pediatric transplant surgeon, patay sa COVID-19

Photo: Pia Isabel Resurreccion (right)

Isa na namang doktor ang nasawi dahil sa Coronavirus Disease 2019.

Ito ay si Dr. Leandro Resurreccion III, 57-anyos na pediatric transplant surgeon, na pumanaw dahil sa acute respiratory failure dahil sa COVID-19.

Pumanaw si Dr. Resurreccion sa intensive care unit ng Philippine General Hospital matapos ang ilang linggong pakikipaglaban sa virus.

Nabatid na si Dr. Resurreccion ay isang certified pediatric transplant surgeon sa Westmead Hospital sa Sydney, Australia bago ito nagdesisyong bumalik sa bansa para maglingkod sa kanyang mga kababayan.

Si Dr. Resurreccion ay nagsilbi sa PGH, St. Luke's Medical Center, Philippine Children's Medical Center at Far Eastern University Nicanor Reyes Medical Foundation Medical Center.

Labis naman ang pagdadalamhati ng pamilya ng pumanaw na doktor na anila'y isang bayani.

Umapela rin sila sa pamahalaan na pag-aralan na sana ang mass testing para sa COVID-19.