LGUs, maghanap ng temporary quarantine areas — IATF-EID

Pinakilos ng Inter-Agency Task Force for the Management of Emerging Infectious Diseases (IATF-EID) ang lahat ng local government units (LGUs) na tukuyin ang mga government facilities na maaaring gawing temporary quarantine areas para sa mga hinihinalang may Covid-19.

Sa kanyang live video, sinabi ni Cabinet Secretary Karlo Nograles, spokesperson ng IATF-EID na ang Department of the Interior and Local Government ang mangangasiwa sa guidelines para sa gagamiting mga establisimyento ng gobyerno para gawing quarantine at isolation.

“The local government units in the provincial, city, municipal, and barangay levels, as well as those in the Bangsamoro Autonomous Region in Muslim Mindanao, are hereby directed to identify government facilities that may be temporarily converted into isolation or quarantine facilities,” ayon kay Nograles.

Gayundin pinatutukoy din sa government-owned and -controlled corporations ang mga public facilities bilang temporary shelter para sa mga indibidwal na nahawaan ng Covid-19.

Aniya, maging ang Department of Tourism at iba pang ahensiya nito ay inaatasan na maghanap ng mga lugar na maaaring gawing pansamantalang quarantine area.

Habang ang Department of Public Works and Highways naman ang inatasan na mag-inspeksyon sa mga pasilidad na gagawing quarantine area na maaprubahan ng NTF Covid-19.