Express lane para sa mga Persons with Disability (PWD)

Dr. Persida V. Rueda-Acosta / Magtanong Kay Attorney

Dear Chief Acosta,

May prayoridad ba ang mga Persons with Disability (PWD) sa pila kung wala silang express lane sa establisimyento? – Eula

Dear Eula,

Para sa inyong kaalaman, ang batas na nakasasaklaw sa inyong sitwasyon ay ang Section 32 ng Republic Act No. 7277 o mas kilala sa tawag na “Magna Carta for Persons with Disability,” na inamyendahan ng Republic Act No. 10754, kung saan nakasaad ang dagdag na mga benepisyo at pribilehiyo ng mga Persons with Disability (PWD):

“Sec. 32. Persons with disability shall be entitled to:

xxx

(e) Provision of express lanes for PWD in all commercial and government establishments; in the absence thereof, priority shall be given to them

The abovementioned privileges are available only to PWD who are Filipino citizens upon submission of any of the following as proof of his/her entitlement thereto:

1. An identification card issued by the city or municipal mayor or barangay captain of the place where the PWD resides;

2. The passport of the PWD concerned; or

3. Transportation discount fare Identification Card (ID) issued by the National Council for the Welfare of Disabled Persons (NCWDP).”

Ayon sa nabanggit na probisyon ng batas, ang lahat ng establisimyento ng pamahalaan, gayundin ang commercial establishments ay dapat magkaroon ng express lane para sa mga PWDs at dapat silang bigyan ng prayoridad sa kawalan nito pagkatapos nilang magpasa ng katibayan na magpapatunay na kabilang sila sa sektor ng PWDs.

Nawa ay nasagot namin ang inyong mga katanungan. Nais naming ipaalala sa inyo na ang opinyon na ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyon na ibibigay. Mas mainam kung personal kayong sasangguni sa isang abogado.

Maraming salamat sa inyong patuloy na pagtitiwala.