Marvin, nilalagnat, feeling may COVID kaya lumayo sa madir

Nitz Miralles / Bida

Photo: Instagram @MarvinAgustin

Mababasa sa Instagram (IG) ni Marvin Agustin ang: “Any chefs, cooks or kitchen staff around Poblacion Makati willing to volunteer to cook food for tom? Hindi pwede malayo kasi mahihirapan bumiyahe dahil sa ­­­lockdown. Address will be at 6109 Albert St. If you can volunteer, pls. comment below and we will contact you.”

Ang dami agad nag-volunteer na chefs gaya nina Roberto Pengson, Monica Guevarra-dela Cruz at marami pang iba. Pero nagpasintabi si Marvin na hindi siya makakapunta dahil hindi pa siya cleared dahil nagka-fever siya.

In fact, may tweet si Marvin na “I am not sure if I got Coronavirus, I've just recovered from high fever.

"Day 1: 38. Day 2: 39.2 Day 3: 38 Day 4: 36.4

"Wala ako maalala na contact with any PUI. But since last Friday, wala na ako physical contact with my mom who lives with me that had undergone chemo 'coz of cancer.”

Sabi ni Marvin, hindi siya ma-test kasi wala na siyang symptoms at hindi na siya priority dahil limited ang testing kits. Tinanong si Marvin ng isang doktor sa Twitter din kung ano ang symptoms niya at ang sagot, “Dry throat, mild cough. Severe headache.”

May mga nagpadala agad kay Marvin ng hotline ng DOH COV para makatawag siya. Parang flu ang dumapo kay Marvin at sana, gumaling na siya.

Tutulong pa naman siya kay Bela Padilla sa project nito para sa mga taong nawalan ng outlet na makapaghanapbuhay dahil sa enhanced community quarantine.