After ng civil wedding nu'ng March 14… Church wedding nina Sarah at Richard, tuloy pa rin

Erlinda Rapadas / Teka Nga

Tama lang na itinuloy nina Sarah Lahbati at Richard Gutierrez ang kanilang kasal (civil wedding) nu’ng Sabado (March 14) kahit na may previous announcement na postponed ang biggest event sa kanilang buhay dahil sa COVID-19.

Simpleng wedding dress na gawa ni Mark Bumgarner ang isinuot ni Sarah. Tanging pamilya Gutierrez lang ang sumaksi sa kasal sa pangunguna nina Eddie, Annabelle, Ruffa at Raymond.

Dalawa na ang anak nina Sarah at Richard, sina Zion at Kai na parehong lalaki.

Itutuloy pa rin naman ang church wedding kapag humupa na ang COVID-19 scare.

Kabilang sa mga principal sponsors si Pangulong Rodrigo Duterte.