BF, hindi makapag-ipon para sa kasal nila dahil todo-hingi ang pamilya

Dear Roma, Naaawa ako sa boyfriend ko dahil mula nang naging kami at hanggang ngayon ay halos siya lang ang inaasahan ng pamilya niya. Walong taon na kami at nasa wastong edad na gayundin, nagpaplano na kaming magpakasal, pero paano naman matutuloy ang plano namin kung halos walang natitira sa kinikita niya? Kahit gustuhin naming mag-ipon para sa future namin ay hindi namin magawa dahil palaging nakahingi sa kanya ang pamilya niya at kapag tumatanggi siya, isinusumbat ang pagpapalaki sa kanya. —Belle

Belle, ‘Yung ganyang sitwasyon ay hindi na bago sa set-up ng pamilyang Pilipino, pero sa totoo lang, mali ito dahil una sa lahat, may karapatan siyang tumanggi kung gusto niya dahil pinaghihirapan niya ang perang ipinantutulong niya. Kung gusto n’yo na talagang makapag-ipon para sa future, maglakas-loob kayong magsabi sa pamilya niya na plano n’yo nang magpakasal at mag-budget para sa inyong pangangailangan.

Kaya n’yo ‘yan. Good luck!