Feb. 20, 2020, 11 PM sa Shangri-La The Fort.. Matteo at Sarah, kasal na!

Na-bash si Ricky Lo dahil sa report nito na ikakasal noong Thursday (Feb. 20, 2020) sina Matteo Guidicelli at Sarah Geronimo. Malabo raw ang balita dahil nagte-taping ng The Voice Teens si Sarah, ‘yun pala, 11 PM ang civil wedding ng dalawa sa Shangri-La The Fort. Hahaha!

Hindi lang naging happy ang civil wedding nina Mr. & Mrs. Guidicelli dahil nagkaroon ng gulo. Nasuntok ni Matteo ang security guard na kinuha ng family ng Popstar Royalty para magbantay kay Sarah. Ang guard ang nagbalita kay Mommy Divine na ikakasal si Sarah that night, dahilan para sumugod ang ina sa Shangri-La at kausapin ang anak.

Sa galit ni Matteo ay naumbag niya ang security guard na nagsumbong sa mom ni Sarah.

Nagpa-blotter si Jerry Tamara sa Police Community Precinct No. 7 sa Taguig City, pero wala pa raw kasong isinampa. Kahit may kaguluhan at suntukang nangyari, natuloy pa rin ang civil wedding nina Matteo at Sarah, kaya civilly married na sila bago pa ang kasal nila sa simbahan na magaganap sa Italy sa March 14.

Sabay-sabay nag-trending sa socmed sina Sarah, Matteo at Mommy Divine at ang gandang basahin ng mga comments ng mga netizens kung saan mas marami ang pabor na ikinasal na sina Matteo at Sarah.

Wish nilang matanggap na ni Divine at ng father ni Sarah na si Delfin ang naging desisyon ng kanilang anak at ang lalaking minahal at pinakasalan nito.