Kahit malas daw sa network, Regine… Ogie, ayaw pakawalan ng DOS, pinapirma uli ng kontrata

Erlinda Rapadas / Teka Nga

Kahit nagkakagulo at nagtatalu-talo pa ang lahat kung makakapag-renew ng franchise ang ABS-CBN o hindi, hindi napigil sa pagpirma ng ba­gong kontrata ang ilang artista ng Dos.

Kasabay ni Ogie Alcasid, nag-renew din ng contract ang Magandang Buhay hosts na sina Karla Estrada at Melai Cantiveros, ganu’n din sina Carlo Aquino, JC de Vera at Kit Thompson.

Hanggang Marso 30, 2020 pa malala­man ang magiging kapalaran ng ABS-CBN, pero hindi na­wa­walan ng pag-asa ang mga artists/employees ng Dos.

Magkakaroon din ng liwanag at solusyon ang ma­bigat na problema ng Kapamilya Network at si Ogie Al­casid na sinabihang jinx o malas sa ABS-CBN, heto at pinapirma pa ulit ng panibagong kontrata. Nanga­nga­hulugan lamang na malaki ang tiwala ng ABS-CBN sa isang artist na katulad ni Ogie at hindi naniniwala sa mga paninira ng mga bashers.

Let’s see kung sinu-sino ang maiiwang artists ng Dos na hindi mang-iiwan sa gitna ng krisis na kina­kaharap ng network.