Aktor, nakaakbay naman sa aktres… Piktyur na nakayakap si Sanya kay Alden, lumabas
Nitz Miralles / Bida
Binisita namin ang Instagram (IG) account ni Sanya Lopez to check kung pinasok na siya ng mga bashers dahil nali-link siya kay Alden Richards ngayon. But so far, wala pang namba-bash kay Sanya at kung meron man, kaya niyang harapin.
Na-link sina Alden at Sanya dahil sa kumalat na photo ng dalawa na parang kuha sa rehearsal ng All-Out Sundays kung saan nakaakbay sa kanya ang Pambansang Bae. Nakayakap si Sanya kay Alden habang nasa dibdib ng aktor ang kanyang ulo.
Actually, walang malisya sa photo at parang nag-uusap lang sina Alden at Sanya at kilala naman ng mga fans at supporters ng Pambansang Bae na sweet ito sa mga female friends niya. Mahilig siyang yumakap sa mga kaibigang babae katulad ng nasa kumakalat na piktyur.
Sakaling maging sina Alden at Sanya naman, walang masama dahil pareho silang single at nasa right age na to have a relationship. Matagal nang sinasabi ni Alden na ready na siya to have a GF at naghahanap siya ng babaeng mamahalin. Kung si Sanya ‘yun, walang masama.
Hindi lang maiwasang may mga fans na ayaw kay Sanya para kay Alden, hindi raw sila bagay dahil sa sexy image nito at mas nakagawa na ng malaking pangalan ang aktor kumpara sa aktres.
May mga pabor din naman kay Sanya dahil pareho silang makapamilya ni Alden, mabait, hindi mahilig sa night-out at NBSB o No Boyfriend Since Birth. Pareho rin silang good-looking ni Alden at nagko-complement ang hitsura.
Tama ang komento ng isang netizen na fans lang sila at wala silang karapatang pakialaman ang personal life ni Alden at kung sino ang mamahalin nito. Kung ang pamilya nga ng aktor, hindi nakikialam, bakit kailangang manghimasok ang mga fans kung sino ang mamahalin ng aktor?
Lalong magri-react nito ang mga ayaw kay Sanya para kay Alden kung isasama ito sa All-Out Sundays. Magiging doble ang stress ng mga fans na ayaw yatang magka-GF si Alden dahil ayaw din nila kay Julie Anne San Jose na part din ng show.
Comments