PBF Champ Lagawe at volleyball itatampok sa Usapang Sports

Ano ang huling balita ngayon sa Philippine volleyball? Sino nga ba ang lehitimong national sports association ng volleyball sa bansa? Ano ba ang ginagawang tulong ngayon ng FIVB upang malutas ang isyu hinggil sa tunay na estado ng 35th FIVB World Congress sa Buenos Aires noong 2016?

Bibigyang oras ni Philippine Volleyball Federation (PVF) president Edgardo “Boy” Cantada na sagutin ang mga katanungan sa 56th “Usapang Sports” ng Tabloids Organization in Philippine Sports (TOPS) sa Peb. 20 sa National Press Club sa Intramuros, Manila.

Ibabahagi rin ni Cantada ang iba’t ibang PVF grassroots development programs at coaching/officiating seminars sa layuning mai-promote ang sport. Dadalo rin sa 10 a.m. public service sports program na suportado ng Philippine Sports Commission, National Press Club, PAGCOR at Community Basketball Association si Philippine Boxing Federation (PBF) bantamweight champion Carl James “Wonder Boy” Martin ng Lagawe, Ifugao. Ang 20-anyos na kampeon ay sariwa pa mula sa third-round knockout win kontra Philip Luis Cuerdo sa Highland Boxing Promotion’s “Knock Out” card sa Manila Arena noong Dis. 21.