Magka-live-in na makaka-jackpot sa lotto kapag tumaya nang malakas ang hangin

Maestro Honorio Ong

Dear Maestro,

May kinakasama akong lalaki, pero hindi kami ka­sal. Itatanong ko lang kung siya na ba ang ma­kakasama ko habambu­hay? Isinilang siya noong February 6, 1989 habang ako naman ay noong Oc­tober 3, 1992 at hiwalay na ako sa una kong live-in partner.

Gusto ko ring humingi ng mapalad na mga nu­mero dahil madalas ka­ming tumataya sa lotto.

Umaasa,

Andrea ng Catmon, Malolos City, Bulacan

Dear Andrea,

Ayon sa zodiac sign mong Libra at birth date na 3, compatible kayo ng kina­kasama mong lalaki sapag­kat ang zodiac sign niyang Aquarius at birth date na 6 ay compatible sa isa’t isa dahil kapwa kayo nagtatag­lay ng elementong air o ha­ngin habang sa Numerology naman, kapwa nasasakop ang numero ninyong 3 at 6 ng numerong series of 3-6-9. Ibig sabihin, compatible talaga kayo na nangangahu­lugan ding kasal man kayo o hindi, habang lumalaon ay patuloy na titibay, magiging mabunga at maligaya ang inyong pag-iibigan.

Pero mas maganda kung magpapakasal kayo upang sa pamamagitan ng matri­monyo ng kasal, lalo kayong suwertehin at magkaroon ng mga pagpapala at karag­da­gang mga biyaya sa bu­hay ha­bang patuloy kayong nag­mamahalan.

Samantala, dahil hangin ang elementong nangingi­ba­baw sa zodiac sign ninyong Libra at Aquarius, kapag tataya kayo sa lotto, huwag kayong tataya sa panahong maalinsangan ang panahon o walang kaihip-ihip ang ha­ngin, sa halip, mentras ma­lakas ang hampas at ihip ng hangin sa kapaligiran, ‘yun ang magandang senya­les na kayo ay tatama ng jackpot sa kahit na anong uri ng pa­kikipagsapalaran.

Piliin n’yo ang mga nu­mero ng hangin tulad ng 3, 12, 21, 30, 6, 15, 24 at lahat ng numero na may suma­tutal na 3 at 6. Itapat din ang pagtaya sa pinakapaborab­leng buwan para sa mga ta­ong hangin, ang buwan ng Pebrero, Hun­yo, Setyem­bre at Oktubre. Magsisil­bing per­­sonal na anting-anting ang mga dekoras­yong tumutu­nog ka­pag nahihipan ng ha­ngin tu­lad ng mga wind chimes, pen­dulum at iba pang tulad nito.

Puwede ring pang-dis­play sa bahay ang mga laru­an o aktuwal na istruktura ng mga bagay na lumilipad sa hangin tulad ng saranggola o burador, goryon, eroplano, helicopter, elesi at iba pang hayop o insekto na may pak­pak tulad ng tutubi, bubu­yog, paruparo, lawin, agila at iba pang kauri nito.

Dahil compatible kayo ng live-in partner mo sa pag-aanalisang Astrology at Nu­merology, iminumung­kahi na kayo ay magpakasal kung wala pa kayong panana­gu­tan sa buhay upang sa gan­yang paraan, kapag ikinasal na kayo at nabasbasan, kusa nang dadaloy ang mas ma­rami pang biyayang pang-ispiritwal at pang-temporal sa inyong pamilya hang­gang sa tuluy-tuloy na ma­ging maligaya at lalo pang yumaman ang itatayo ninyong pamilya.