'Di raw plastic, nagiging monster sa set… Beauty, aminadong nagkukulong sa tent, ayaw makasama

Ador Saluta / Adore Me!

Sa finale presscon ng Kadenang Ginto, todo-pasalamat si Beauty Gonzalez na pagkatapos ng successful series nila ni Dimples Romana na tumagal nang 16 months, may kasunod na siyang project sa ABS-CBN.

Kuwento ni Beauty, “Nagpapasalamat ako sa ABS-CBN for giving me another show. Hopefully, matuloy po,” na ikinatawa ng mga dumalo sa preskon.

Paliwanag niya, “Ayoko nang i-elaborate kasi sabi nga, sa pagiging artista, ‘pag hindi pa nakaharap ‘yung kamera sa mukha mo, huwag mo munang ikukuwento kasi baka mapalitan ka pa. O, ‘di kaya ‘pag hindi ka pa nila inilabas sa TV (trailer), may malaking posibilidad na mapapalitan ka pa.”

Nagpasalamat din siya sa asawa niyang si Norman Crisologo sa patience and understanding nito sa mga “kabuangan” niya.

“Iisipin mo na minsan lang dumarating sa buhay mo ang ganitong pagkakataon and I wanna strike while the iron is hot. I won’t look like this in the next five years and I’ll try my best,” dagdag pa niya.

Aminado si Beauty na hirap siyang mag-Tagalog na isa sa mga naging problema niya while doing KG. Pero ang higit nitong ininda ay ang paglalayo sa sarili sa mga kasamahan. Ina-isolate raw niya ang sarili sa mga co-stars at nagkukulong sa tent.

Aniya, “Tao lang naman ako at hindi ako perpekto na puwedeng magpakabait everyday. You know when you’re pressured, so tired on doing a job, sometimes it’s not easy to be like always happy.”

Nagpapasalamat daw siya sa entire KG cast dahil iniintindi siya sa set. “Hindi kasi ako plastik, na as real as I am and I just wanna show it to everyone na this is who I am, Beauty Gonzalez. Pagdating sa set, mukhang ang sungit-sungit kasi sa totoo lang, hirap na hirap ako sa Tagalog ko kaya dapat concentrate ako kasi sampalan na, uulitin mo ‘yung sampal. Sampal ‘yun, eh, masakit din ‘yun, ‘di ba? So, kailangang tuwid-tuwid ‘yung Tagalog mo,” paglalahad ni Beauty.

In-explain din niya ang sinasabing “isolation” o ang hindi niya pakikisalamuha at pakikipag-usap sa mga kasamahan sa set.

Aniya, “Kasi sa totoo lang, hindi kasi ako plastic, eh. Prangka ako, eh. When I feel the moment that I need to say it out loud, I say it out loud at alam ng mga staff ‘yun kaya minsan, sasabihin ko, ‘Uy, pasensiya na, ha? Huwag n’yo lang kasi akong patulugin ng gabi kasi ‘pag pinatulog n’yo ‘ko, tapos gigisingin n’yo ako, magiging monster na talaga ako.’”

Oh, at least, totoong tao si Beauty.

vjvjv GUMAYA na rin ang bida ng Make It With You na si Enrique Gil sa mga artistang naeengganyong gumawa ng sariling YouTube channel. Sa collaboration nito with his sister Diandra, nagawa ang kanilang YouTube channel nitong Lunes (January 27) titled The Gil Side. Sa una nilang vlog ay featured ang Hawaiian trip nila nu’ng nakaraang holiday season. Caption nila sa first video, “Welcome to the first ever video in our channel, this vacation meant so much to us because spending time with family is always first. We are so happy that we were able to share with you guys all the memories we made in Hawaii. We can’t wait to share more with you. Let’s go and have a wild ride all together this 2020!” The vlog has already gained more than 97,283 views as of this writing since it premiered at maraming netizens ang pumuri sa kauna-unahang vlog ng magkapatid. Komento ng mga netizens: “I love the editing style, it’s very catchy that you want to continue watching it. Continue to inspire and spread good vibes to everyone.” “Finally, you have your own YouTube channel! Love it kahit medyo bitin!! Looking forward to more vlogs and videos soon.” vjv