Kaya inulit sa Subic… Unang kasal nina Mikael at Megan, 10 lang ang bisita!
Photo: @meganbata
Sa ginanap na mediacon ng seryeng Love of My Life, nilinaw ng Kapuso actor na si Mikael Daez ang tungkol sa diumano’y paglilihim nila ni Megan Young sa plano nilang pagpapakasal. Marami kasing nagulat nang bigla na lang lumabas ang balitang nagpakasal na sila sa isang chapel sa Subic, Zambales last January 25.
Nauna rito ay may church wedding din na naganap noong Jan. 10, sa Calaruega, Batangas kung saan sampu lang ang sumaksi sa kanilang kasal, kasama na ang dalawa nilang kinuhang ninang bilang witness.
Pero ‘yung second wedding sa Subic, 100 ang guests nila at sila na ni Megan ang nag-host ng party after their wedding ceremony.
Paliwanag ni Mikael, actually, hindi nila itinago ang kanilang kasal. Bukod sa kanilang immediate family, may mga friends silang alam ang magaganap na kasalan. Hindi lang sila nag-ingay at ipinaalam sa media at sa publiko at hindi agad nag-post sa social media. Tapos na ang Subic wedding nang kumalat ang kanilang wedding photos.
At dahil may bagong serye sa GMA-7 si Mikael, ang Love of My Life, hindi pala sila makakabiyahe ni Megan for their honeymoon. Wala pa naman daw silang “baby project” at hindi nagmamadali. Mag-i-enjoy muna sila bilang husband ang wife.
Comments