Sen. Bato sa mga kano: Kung ayaw n'yo sa akin, ayoko rin sa inyo!
Wala pa ring kaso ng 2019 novel coronavirus sa ‘Pinas.
Ang balitang ‘yan ay galing mismo sa DOH!
◘◘◘
PARAMI nang parami ang nahahawa ng nCoV sa buong daigdig.
Pero, wala pang namamatay na infected sa labas ng China!
◘◘◘
BAKIT walang special monitoring sa mga Chinese na nasa Pilipinas?
Paano kung itinatago nila ang mga infected?
◘◘◘
MAS marami ang nalungkot sa pagkamatay ni Kobe Bryant kaysa sa mga namatay sa bayrus na “enkobe” ng China.
‘Yan ang “Kobe war”!
◘◘◘
TAG-ARAW na pero walang naglilinis ng kanal.
Pagsapit ng tag-ulan ngayong Mayo, saka sila magbubungkal ng imburnal.
Tsk-tsk-tsk!
◘◘◘
NAKABALIK na ang mga bakwit ng Taal.
Isang senaryo ng pagsabog na hindi naganap pero nakaperhuwisyo ng libu-libong residente!
◘◘◘
IBINABABALA pa rin ang mapanganib na pagsabog ng “base surge” ng bulkan.
Ito ay ang senaryo — nang walang kaabug-abog na pagsabog tulad sa New Zealand at Mount Vesuvius.
Habang nagluluto ng tanghalian ang mga residente — natabunan agad sila ng abo at iba pang ibinuga ng bulkan!
◘◘◘
SA kabila ng mga kalamidad, sige lang sa paghahanda ang mga presidentiables.
Tsk-tsk-tsk!
◘◘◘
NATIGIL na naman ang earthquake drill.
Wala kasing lindol, eh.
Ha-ha-ha!
◘◘◘
AYON kay Sen. Ronald “Bato” dela Rosa, kung ayaw ng mga Kano sa kanya, ayaw din niya sa Amerika.
Weeehh?
◘◘◘
MAGBEBENTA ang Russia ng submarine sa Pilipinas.
Huh, hindi nga?
◘◘◘
HINDI nakadaong ang cruise ships sa Subic kasi nagmula sila sa China.
Baka sangrekwang virus ang pasalubong nila sa mga taga-Central Luzon? Pero, may ulat na nakadaong sila sa Maynila.
Ho-ho-ho!
Comments