Sexy picture, pinagpiyestahan sa Instagram… K, napamura nang ikumpara kay Ivana

Ador Saluta / Adore Me!

Photo: @kbrosas (left)

Maraming nakapansin na seksing-seksi ang TNT hurado na si K Brosas matapos nitong i-post sa kanyang Insta­gram account ang selfie pagkatapos ni­tong umahon sa swimming pool.

Inihahawig ang singer-comedienne na si K Brosas sa sexy actress na si Ivana Alawi.

Sa nasabing picture na ipinost last Monday (January 27), naka-two-piece ang singer-comedienne at may caption (published as is): “Nakapag-recharge, refresh, relax, spa overhaul, etc.. Thank you Lord! Lablablab! #nofilter [three hearts, praying hands emojis]”

Sang-ayon naman daw si K na ma­raming nagsasabing kaha­wig niya ang 23-anyos na YouTube sensation.

Dahil dito, sinabi ni K na na-curious siya kung sino si Ivana, kaya sinilip niya ang Instagram account nito. At nang makita kung gaano kaganda at ka-sexy si Ivana, napa-react si K ng “Grabeeeee.”

Reply ni K kay Janelle Jamer, “Ang dami ngang nagsasabi, hihi. Kaya na-curious ako at pagka-check ko ng IG niya. Grabeeeee naman, ang ganda. At ang sexy niya, syet!”

Pabirong sumang-ayon si K kay Janelle na ka­­mukha nga niya si Iva­na, pero siya raw, “‘Yung haggard o nausog version” ng dalaga.

Sa huli, nagpasalamat si K sa mga nagsasabing kahawig niya ang mestisang actress-model.

“Pero sige, ako na ‘yung haggard o nausog version ni Ivana, lol! Thanks pa rin [face with stuck-out tongue and winking eye, smiling face with smiling eyes, smiling eyes with open mouth and cold sweat emojis],” saad pa ni K.

Marami namang Instagram followers ni K ang sumang-ayon sa sinabi ni Janelle na kahawig nga ng una si Ivana.

May nagsabi pang parang magka­patid ang dalawa. Si K ay may lahing Kano samantalang Moroccan naman ang tatay ni Ivana.